Hueppa! Es freut uns, das du dich für s' ConneXion-Team interessiersch! :-)
Dass s' CX scho über 20 Joor existiert isch nur möglich dank freiwillige MitarbeiterInne wo in de Bereich Band, Technik, Bar, Dekoration, Input und Medie ihres Beschte gänd. Momentan bestoht s' CX-Team us ca. 25 Persone. Das tönt zwor nachere prächtige Zahl, aber mir sueche genau so Lüt wie DIICH wo unsers Team no super ergänze würde. ;)
D' ConneXion-Band leitet und begleitet d' Worship-Zyt im Jugendgottesdienscht. Hesch Interässe, uns mit dinere Stimm oder dine Gitarre-Skills z' unterstütze?
Im Technik-Team gsehsch was hinter de Kulisse vom CX abgoot. Mir bilde dich gärn zum Audio-, Liecht- und/oder Videotechniker us! :)
Du verwöhnsch unseri Bsuecher an de Bar mit Ztrinke und Snacks.
Gemüütlich! Wenn du bi de Medie (Website, Flyer, WhatsApp) möchtisch mithälfe, denn chasch das deheime ufem Sofa mache. Defür chasch dich denn im CX zrugglähne und de Gottesdienscht gniesse! ;)
WICHTIG: Du muesch nid en Profi-Web-Designer sii oder scho drei Johr erfahrig ha mit Drinks mixe! ;-)
Mir bilde dich gern us – alles wo d' muesch ha isch Spass an de Sach und chli Zyt.
Meld dich eichfach im ConneXion bi öpperem vom Team.